مــش لوحــــدك عـــلي فــــكرة ,,//

سلام عليكــم

..

النهاردة التوبك عبارة عن جزء بسيط من حياة بنـت
بس جزء مؤلم
حبيت تشوفوه عشان ناس كتيرة اوى فاكرة ان جرحها من حبيبها
ولا عشان باباه ضربه وزعقله فى حالة زهق
ولا اى حاجة من دى تبقى اخر الدنيا
و يحس انه الوحيد فى الدنيا دى اللى مهموم وعنده مشاكل

دايما فيه اللى اقوى واللى اصعب
..

بنـت فى سن المراهقـة , لحد فترة كبيرة من عمرها كانت ملتزمة اوى
لحد ما اكتشفت حاجات كتير اوى حواليها

كان هو قدوتها , كل حاجة فى حياتها

مثلهـا الأعلـى

خدت منه طريقة تفكيره واسلوبه وكلامه وطريقته

لحد ماقدوتها دى اتهدت قدامها

وقعت .. انهارت

بعد ماكانت بتتباهى بيه وتفتخر انها بنته

بس اللى عرفته قبل مايغيره فى نظرها كان قاتلها

صحيت لقت واحد غير أبوها اللى عرفاه

مالقتش غير واحد كل شغلته فى الحياة انه يتسطل وبس

يلـف , يحشش , يتسطـل

قدامـهـــا .. و أوقـات عليهـــــــا

قتلها بتصرفاته قتلها بنظراته

نظرات ذئب مش نظرة أب لبنتــه أبـدا

كانت تخـاف

مبقيتش تحس قرق بين انها نايمة ف بيتها او الشارع

فى الحالتين معرضة للخطر ..

عاشت وسط ده وهى كل يوم تدعى ربنا يهديه

وتقول ماليش غيرك يارب

حاولت تهرب من كل ده مع ناس تانية

دخلت النت

شافت كل فضايح اهلها

شافت كل القذارة اللى بيتفرجوا عليهـا

ماطلعـش ابوهـا بس يعنى

بعد كل ده مابقتش قادرة تعيش

هــــتعمل ايـــه طـــيب

سكتت

جرح اهلها كان اقوى من كل جرح مرت بيه وربنا وقف جنبها

وعدىالجرح ده رغم الوقت اللى عدى عليها لسه بينــزف

لانهـا مازالت عايشــة فيه

وبيقتلها كل لحظة

بس اهى سكتت وخلاص

بقت وسادتها هى الودن الوحيدة اللى تسمعها

ماتقدرش تحكى عشان الناس ماتغيرش الصورة المثالية اللى فى ذهنهم

ناحية أهلهــا

وكتمـت جواهــأ

ها ,,,

لسه حاسس انك الوحيد اللى مهموم ؟

بحد تسلم ايدك يا ملاك
بصراحه التوبيك جاااامد جدا
وربنا يكون في عون البنت دي

ميرسي يا قمر ع التوبيك
تسلم ايدك